
Buxoro psixologiya va xorijiy tillar instituti
O‘zbekiston Respublikasi Prezidenti Sh.M.Mirziyoyevning 2021 yil 21-22 yanvar kunlari Buxoro viloyatiga tashrifi davomida va Xalq deputatlari viloyat kengashining navbatdan tashqari sessiyasida bergan topshiriqlari bo‘yicha 4-sonli bayonning 98-bandi ijrosini taʼminlash hamda milliy taʼlim-tarbiya tizimini zamon talablari asosida modernizatsiya qilish, yoshlarni oliy taʼlim bilan qamrovini oshirish, oliy taʼlim tizimida xususiy sektor ishtirokini kengaytirish orqali raqobat muhitini hosil qilish hamda oliy malakali kadrlar tayyorlashda xalqaro hamkorlikni yana-da kengaytirish, aholining turli qatlamlariga, oilalarga, yoshlarga va mehnat jamoalariga psixologik xizmatlar ko‘rsatish sifatini yaxshilash, o‘quv jarayonini amaliyot va ilmiy tadqiqot bilan uzviyligini taʼminlash maqsadida Taʼlim sifatini nazorat qilish inspeksiyasi tomonidan 2021 yilning 29 oktyabrida berilgan № OT 0037 litsenziya asosida “Buxoro psixologiya va xorijiy tillar instituti” tashkil etildi.
BUXORO PSIXOLOGIYA XORIJIY TILLAR INSTITUTI MAQSADI
Global istiqbol: Jahonning yetakchi 1000lik OTMlari ro‘yxatidan o‘rin olish va buning uchun global bozorlar rivojlanish dinamikasi va asosiy trendlari, xalqaro va xorojiy biznes amaliyotlari va meʼyorlar haqidagi bilimlarni taʼlim tizimiga to‘liq joriy etish.
Osiyoda mintaqaviy istiqboli: Osiyoning yetakchi OTMlari ro‘yxatidan o‘rin olish va buning uchun Osiyoning innovatsiyaviy tajribasi, o‘ziga xos madaniyatlarni va ijodiy menejmentlarini taʼlim tizimiga to‘liq joriy etish orqali raqobatbardosh kadrlarni tayyorlash, shuningdek fundamental va ijtimoiy tajriba amaliyotlariga asoslangan taʼlim tizimini rivojlantirish.
Milliy istiqbol: O‘zbekistonning yetakchi OTMlari ro‘yxatidan o‘rin olish va buning uchun zamonaviy talablarga javob beradigan professional yuqori malakali va xalqaro taʼlim va mehnat standartlariga mos kadrlar tayyorlash tizimini tashkil etish hamda ilmiy tadqiqot ishlarini rivojlantirish.
- Telefon:
-
(+998) 91-447-05-04
- Sayt:
- buxpxti.uz
- Pochta:
- buxpxti@gmail.com
- Manzil:
- Buxoro viloyati, Kogon tumani, B. Naqshbandiy MFY, Abay ko‘chasi, 20-uy