O‘zbekiston davlat jismoniy tarbiya va sport universiteti

Universitet 28 mingga yaqin oliy maʼlumotli mutaxassislar tayyorladi. Universitet  aksariyat bitiruvchilari - o‘qituvchilar, murabbiylar, tashkilotchilar, yo‘riqchi va uslubchilar sog‘lom turmush tarzini shakllantirish hamda barkamol avlodni tarbiyalash ishlarida faol mehnat qilmoqdalar.

2017 yil 3 iyundagi O‘zbekiston Respublikasi Prezidentining «Jismoniy tarbiya va ommaviy sportni yana-da rivojlantirish chora-tadbirlari to‘g‘risida»gi PQ-3031-sonli qarori ijrosini taʼminlash, respublikada jismoniy tarbiya va sport sohasida malakali kadrlar tayyorlash sifatini tubdan oshirish, O‘zbekiston davlat jismoniy tarbiya instituti faoliyatini yana-da takomillashtirish maqsadida o‘quv jarayonini zamonaviy talablar va xalqaro standartlarga muvofiq tashkil etildi.

Qarorga muvofiq, O‘zbekiston davlat jismoniy tarbiya instituti Toshkent viloyati, Chirchiq shahri, Sportchilar ko‘chasi, 19-uyga va Chirchiq olimpiya zaxiralari kolleji Toshkent viloyati, Chirchiq shahri, Chirchiq Sportchilar  ko‘chasi, 19-uy manziliga joylashtirildi.

Chirchiq shahar V.Haydarov ko‘chasi, 1-uyda joylashgan “Olmaliq kon-metallurgiya kombinati” aksiyadorlik jamiyatining bino va inshootlari hamda istirohat bog‘i O‘zbekiston davlat jismoniy tarbiya Universitetiga berildi.

Hujjatda, shuningdek, O‘zbekiston davlat jismoniy tarbiya institutida 2017—2018-o‘quv yilidan boshlab taʼlimning sirtqi bo‘limi tashkil etilishi belgilandi.