Qarshi muhandislik-iqtisodiyot instituti

O‘zbekiston Respublikasi Vazirlar Mahkamasining 1992 yil 28 fevraldagi qarori bilan 1975 yildan faoliyat ko‘rsatib kelgan Toshkent irrigatsiya va qishloq xo‘jaligini mexanizatsiyalash injenerlari instituti Qarshi filiali negizida Qarshi agrar-iqtisodiyot instituti, 1995 yil 3 iyun qarori bilan Qarshi agrar-iqtisodiyot instituti va Toshkent Davlat texnika universiteti Qarshi filiali bazalarida Qarshi muhandislik iqtisodiyot instituti tashkil etilgan.Ayni paytda institutda 6 ta fakultet va 5 ta fakultetlararo umumtaʼlim kafedralar, Iqtisodiyot, Muhandislik texnologiyasi, Geologiya va konchilik ishi, Neft va gaz, Energetika, Muhandislik texnikasi, 31 ta kafedra, «Axborot texnologiyalari» markazi, «Iqtidorli talabalar» markazi, institut qoshidagi 1 ta akademik-litsey faoliyat ko‘rsatmoqda. 29 ta taʼlim yo‘nalishlari bo‘yicha 7738 nafar bakalavrlar, 17 ta mutaxassisliklar bo‘yicha 264 dan ortiq magistrlar, 1163 nafar sirtqi taʼlim yo‘nalishlarida tahsil olmoqda. Yoshlarga 571 dan ortiq professor-o‘qituvchilar taʼlim-tarbiya berishmoqda. Ularni 18 nafari fan doktori, professorlar, 120 nafari fan nomzodi, dotsentlardir.