Namangan muhandislik-texnologiya instituti
Fotogalereya
Oliy ta'lim muassasasi

Namangan muhandislik-texnologiya instituti

Namangan viloyati

Kimyo texnologiya, Muhandislik-texnologiya, Yengil sanoat texnologiyasi, Namangan muhandislik-texnologiya instituti

Namangan muhandislik-texnologiya instituti mustaqil O‘zbekiston Respublikasining ko‘zga ko‘ringan ilm va ziyo maskani bo‘lib, hozirgi Markaziy Osiyo davlatlari oliy o‘quv yurtlari orasida munosib o‘rin tutadi. Chunki institutning kechgan 45 yildan ziyodroq tarixi O‘zbekistondagina emas, butun Markaziy Osiyo, balki undan ham kengroq, jo‘g‘rofiy mintaqadagi mutaxassis kadrlar tarbiya topgan nufuzli maskan — Toshkent to‘qimachilik va yengil sanoat institutining shonli yo‘li bilan chambarchas bog‘liqdir. Zero mazkur institutga 1968-yilda asos solingan edi. Binobarin 60-yillarning oxirida Namanganda va butun Farg‘ona vodiysida to‘qimachilik va yengil sanoatni keskin rivojlantirish, unga ko‘proq malakali mutaxassis kadrlar yetishtirish masalasi bo‘yicha katta ehtiyoj sezilardi. Bu ehtiyoj asosida yirik institut shaxobchasining ochilishi o‘sha davr uchun g‘oyat muhim ijtimoiy va madaniy hodisa bo‘ldi.

1977 yilga kelib, bu o‘quv-maslahat punkti umumtexnika fakultetiga aylantirildi. Shu davr ichida Namangan shoyi va kostyumbop gazlamalar kombinati (hozirgi Namangan tekstil ishlab chiqarish hissadorlik jamiyati) otalig‘idagi 2-kichik tumanda yangi qurilgan o‘quv binosiga ko‘chib o‘tdi. Bu 4 qavatli binoda o‘quv-tajriba ishlarini nisbatan keng va mazmunliroq tashkil etish imkoniyati yaratildi. Fakultetga fizika-matematika fanlari nomzodi, dotsent Xusanov Xamidulla Sultonovich dekan etib tayinlandi. Uning sa’yi-harakatlari bilan ilm dargohida sezilarli o‘zgarishlar qilindi. Talabalar soni 500 kishiga yetdi. Ularga ta’lim bergan professor-o‘qituvchilardan 6 kishi fan nomzodlari va katta o‘qituvchilar edi.

1981-yili umumtexnika fakulteti Toshkentdagi bosh institutning shaxobchasiga aylantirildi. Bu vaqtga kelib talabalar soni jami 750 kishiga yetdi. Shaxobchaga o‘shanda t.f.n., dotsent Ahmadxo‘jayev Xamid Tursunovich boshliq bo‘ldi. Unga asosan to‘quvchilik va yigiruvchilik mutaxassisliklari bo‘yicha yoshlar qabul qilindi. 1984-yildan kechki va sirtqi bo‘limlarda “To‘quvchilik, paxta va-kimyoviy tolalarni yigirish”, “To‘qimachilik mashina va apparatlari” mutaxassisliklari bo‘yicha dastlabki diplom ishlari Namanganda himoya qilindi.

Namangan muhandislik-iqtisodiyot instituti O‘zbekiston Respublikasi Prezidentining 2011-yil 20 maydagi “Oliy ta’lim muassasalarining moddiy-texnik bazasini mustahkamlash va yuqori malakali mutaxassislar tayyorlash sifatini tubdan yaxshilash chora-tadbirlari to‘g‘risida” gi PQ-1533-sonli qarori ijrosini ta’minlash yuzasidan bir qator ijobiy ishlar amalga oshirildi. Jumladan, O‘zbekiston Respublikasi Vazirlar Mahkamasining 2011-yil 25 iyuldagi 212-sonli qaroriga asosan, Namangan muhandislik-iqtisodiyot instituti (NamMII) Namangan muhandislik-texnologiya instituti (NamMTI) ga aylantirildi.

Telefon:
(+998) 69-228-76-71
Sayt:
Pochta:
niei_info@edu.uz
Manzil:
Namangan viloyati, Namangan shahri, Kosonsoy ko‘chasi, 7- uy, pochta indeksi: 160115

Namangan muhandislik-texnologiya instituti Qabul kvotalari va kirish ballari 2024

Kunduzgi Sirtqi
O'zbek Rus
2024-2025 2023-2024 2022-2023 2021-2022
Mutaxassislik Qabul Grant Shartnoma
1. Buxgalteriya hisobi va audit (tarmoqlar bo‘yicha)

5 / 95

 154.35 91.35
2. Dizayn: kostyum dizayni

10 / 40

 143.7 107.6
3. Elektr energetikasi (tarmoqlar va yo‘nalishlar bo‘yicha)

25 / 75

 100.8 72.45
4. Energetika (tarmoqlar bo‘yicha)

30 / 70

 97.65 71.4
5. Iqtisodiyot (tarmoqlar va sohalar bo‘yicha)

4 / 71

 169.05 98.7
6. Kimyoviy texnologiya (ishlab chiqarish turlari bo‘yicha)

30 / 70

 86.1 68.25
7. Manzarali bog‘dorchilik va ko‘kalamzorlashtirish

15 / 35

 82.95 72.45
8. Marketing (tarmoqlar va sohalar bo‘yicha)

5 / 45

 151.2 92.4
9. Matbaa va qadoqlash jarayonlari texnologiyasi

10 / 15

 78.75 68.25
10. Materialshunoslik va yangi materiallar texnologiyasi (tarmoqlar bo‘yicha)

10 / 15

 81.9 68.25
11. Menejment (tarmoqlar va sohalar bo‘yicha)

5 / 95

 149.1 79.8
12. Metrologiya, standartlashtirish va mahsulot sifati menejmenti (tarmoqlar bo‘yicha)

20 / 55

 84 66.15
13. Oziq-ovqat texnologiyasi (mahsulot turlari bo‘yicha)

30 / 70

 102.9 85.05
14. Qishloq xo‘jalik mahsulotlarini saqlash va dastlabki ishlash texnologiyasi (mahsulotlar turlari bo‘yicha)

30 / 70

 85.05 72.45
15. Tabiiy tolalarni dastlabki ishlash texnologiyasi (xomashyo va jarayon turlari bo‘yicha)

35 / 90

 82.95 65.1
16. Texnologik jarayonlar va ishlab chiqarishni avtomatlashtirish va boshqarish (tarmoqlar bo‘yicha)

15 / 35

 91.35 69.3
17. Texnologik jarayonlarni boshqarishning axborot-kommunikatsiya tizimlari

15 / 35

 88.2 71.4
18. Texnologik mashinalar va jihozlar (tarmoqlar bo‘yicha)

30 / 95

 91.35 68.25
19. Yengil sanoat buyumlari konstruksiyasini ishlash va texnologiyasi (ishlab chiqarish turlari bo‘yicha)

50 / 125

 84 65.1
20. Yengil sanoat texnologiyalari va jihozlari (ishlab chiqarish turlari bo‘yicha)

15 / 35

 84 69.3