Toshkent to‘qimachilik va yengil sanoat instituti
Yengil sanoat matbaa mahsulotlari texnologiyasi, Paxta sanoati texnalogiyasi, To‘qmichalik saoati texnologiyasi, Avtomatlashitirish va boshqaruv, Toshkent to‘qimachilik va yengil sanoat instituti
Institutning tashkil etilishiga oʼtgan asrning 20 yillarida Respublikamizda qurib ishga tushirilgan Farg‘ona toʼqimachilik kombinati, Farg‘ona, Buxoro, Samarqand, Marg‘ilon pillakashlik fabrikalari, Marg‘ilon shoyi kombinati va “Atlas” ishlab chiqarish birlashmasi, Toshkent, Buxoro, Samarqand, Qoʼqon, Urganch, Andijon tikuv fabrikalari, Toshkent koʼn zavodi, poyabzal fabrikasi, ishlab turgan koʼplab paxta tozalash zavodlari, qurilishi boshlangan Toshkent toʼqimachilik kombinati kabi yengil sanoat korxonalarini yuqori malakali mutaxassis kadrlar bilan taʼminlash zarurati asos boʼldi.
Bunga qadar mazkur korxonalar oliy maʼlumotli mutaxassislar bilan qisman Oʼzbekiston Milliy universiteti (ToshdU) ning «Paxtani dastlabki ishlash» kafedrasi (1927 y.), 1929 yildan universitetdan ajralib chiqqan Oʼrta Osiyo paxtachilik-irrigatsiya politexnika institutining toʼqimachilik fakultetida, 1931 yildan Oʼrta Osiyo mexanika-texnologiya instituti toʼqimachilik fakulteti bazasida, asosan esa sobiq markazdan yuborilgan kadrlar hisobiga taʼminlangan.
Oʼrta Osiyo mexanika-texnologiya institutida paxtani dastlabki ishlash va yigirish, toʼquvchilik, ipak texnologiyasi boʼyicha mutaxassislar tayyorlash yoʼlga qoʼyilgan edi. Mana shu institut va fakultet hamda mutaxassisliklar negizida alohida toʼqimachilik institutini tashkil etish zarurati paydo boʼldi.
Shunday qilib, 1932 yil sentyabrdan institut oʼz faoliyatini boshladi. Dastlabki yili institutda 2 ta fakultet: «Paxtani dastlabki ishlash» va «Mexanikaviy texnologiya» fakultetlari oʼz tarkibida 4 ta mutaxassislik, paxtani dastlabki ishlash, toʼquvchilik, yigiruv va ipak texnologiyasi mutaxassisliklari bilan faoliyatini boshladi.
1991 yil 31 avgustda Oʼzbekiston Respublikasi davlat mustaqilligining eʼlon qilinishi bilan institut tarixida yangi bosqich boshlandi. Mustaqillikning oʼtgan 30 yili ichida institut jamoasi taʼlim-tarbiya jarayonini zamon talablari darajasida qayta qurish, uni yana-da takomillashtirib, samaradorligini oshirish, oʼquv-laboratoriya va kabinetlarini yangi, eng zamonaviy kompyuterlar, boshqa asbob-uskunalar bilan jihozlash, taʼlim-tarbiyada milliy qadriyatlar va xalq anʼanalariga alohida eʼtibor berish, talaba-yoshlar ongiga mustaqillik va milliy istiqlol g‘oyasini singdirish kabi masalalarda jiddiy yutuqlarga erishdilar.
Bugungi kunda institutda 13 ta yoʼnalish boʼyicha 46 nafar stajyor-tadqiqotchi-izlanuvchi nomzodlik, 3 nafar katta ilmiy-xodim-izlanuvchi esa dissertatsiya ustida ilmiy-tadqiqot ishlarini olib bormoqda. Bundan tashqari professor-oʼqituvchilar tarkibidan yana 71 nafar kishi mustaqil tadqiqotchi sifatida 68 ta nomzodlik va 3 ta doktorlik dissertatsiyasi ustida ishlamoqda.
- Telefon:
-
(+998) 71-253-06-06
- Sayt:
- Pochta:
- titlp__info@edu.uz
- Manzil:
- Toshkent shahri, Yakkasaroy tumani, Shohjaxon ko‘chasi, 5- uy, pochta indeksi: 100100