Xususiy oliygoh Prezident maʼmuriyatining akademik erkinlikni cheklovchi talablarini rad etdi

Harvard universiteti Prezident Donald Tramp maʼmuriyatining akademik erkinligini cheklashga qaratilgan talablarini bajarishdan rasman bosh tortishini e’lon qildi. Bu haqida universitet prezidenti dushanba kuni ochiq maktub orqali maʼlum qildi.

«Hech qaysi hukumat qaysi siyosiy partiya hokimiyatga kelishidan qatʼiy nazar - xususiy universitetlar nimani oʻqitishi, kimlarni oʻqishga va ishga qabul qilishi, qaysi tadqiqot sohalarini oʻrganishi va tadqiq etishi yuzasidan topshiriq berishi mumkin emas!» deb taʼkidlagan.

Universitetning maʼlum qilishicha, xususiy oliygohlar taʼlim mazmuni, qabul siyosati va tadqiqot yoʻnalishlari yuzasidan hech qanday hukumat talablarini qabul qilmaydi.